عمر افتراضى

و انا صغير كنت باسمع من ابويا كلمه عمر افتراضى كتير كل ما اكسر حاجه قبل ما امى تيجى بالمنفضه كان يقولى العمر الافتراضى بتاعها كده معناها بالبلدى  سماح النوبه يا ام محمد فأمى بالتالى بتعديها و هى كمان ربنا يديها الصحه طول عمرها ست طيبه المهم ده تعريف العمر الافتراضى اللى اتعلمته او فهمته من ابويا و انا صغير

و طبعا بما ان الحكومه هى بابا و ماما فهى كمان بتعلمنا و الحكومه عملت عمر افتراضى للبنى آدمين

بمعنى ان الحكومه دلوقتى عملت نظام هايل للصحه اللى هو اييييييييييييه ؟

اللى هو العمر الافتراضى للانسان يعنى اييييييه برضو؟

يعنى تتعالج لحد مواعيد معينه  و ليك يا مواطن مبلغ معين تتعالج بيه زودت عنه يا تدفع يا تغور فى داهيه و يبقى عمرك الافتراضى خلص

ده على اساس انك يا مواطن اساسا بتتعالج على نفقة الدولة و ان مفيش وزير بيزرع شعر فى امريكا بمبلغ و قدره و وزير تانى بينضف سنانه بتمن علاج 10 زيك فى امريكا برضو ..  امال ايه .. انت عايز تربط حمارتك جنب حمارة العمده ؟ انت عمرك الافتراضى خلص نعملك ايه ؟؟؟؟؟

يا تدفع يا تتكل على الله تروح تدورلك على حفره تروح تندفن فيها .. انت عايز تقارن نفسك بالوزير اللى بيقابل اهم شخصيات فى العالم ؟ عايز سنانه يبقى لونها اصفر مطرح السيجار الكوبا اللى بتمنك اساسا ؟ انت اتجنينت يا مواطن ؟ انت عايز معالى الوزير يقابل حد من وزراء العالم يقوله سنانك بيضه انت عملها فين يقوم يقوله عند الدكتور عمر اللى فى اول فيصل ب 50 جنيه ؟  ده راجل رخيص شكلك عبيط يا مواطن

عمرك الافتراضى كده و ماما الحكومه هتيجى بالمنفضه لو فتحت بؤك و قولت علاج على نفقة الدولة 

القمح اولا .... ليه ؟؟؟؟؟؟

اتسالت من  ناس بسيطه كتير  ليه القمح اولا ؟؟؟؟؟

الموضوع بسيط و ها ابسطه على قد ما اقدر

بس خليكوا معيا لا اخر الكلام و تخيلوا معيا ان الحكومه الحكيمه اصابها فيروس لعين اسمه الامانه و الشرف يعنى كل واحد لما يتصاب بالفيرس الملعون ده ها يعمل اللى عليه و الحمد لله الفيرس ده لا اصاب الحكومه ولا الشعب لحد دلوقتى و الحكومه الحمد لله محافظا علينا منه  لحد دلوقتى و سمعت انهم جيبين امصال ضده

المهم ها نفرض الكلام ده .

الحكومه هتبطل تصدر المخزون الاستراتيجى بتعنا و بتاع اولادنا من الغاز مثلا تقوم جايه ماما امريكا مسكه المنفضه و زنقه الحكومه المصريه فى ركن و نزله فيها ضرب كانها امى لما كانت بتضربنى علشان كسرت ازاز المكتبه بالكوره تقوم الحكومه تبطل تلعب كوره ازاىىىىىىى

امريكا ها توقف منحه القمح فالحكومه تقع فى حيص بيص هانجيب القمح منين و ساعتها حل من اتنين يا اما ترجع تصدر الغاز يا اما تستورد القمح من بلد تنيا و سعتها ها تدفع ضعف التمن العالمى لا و مش كده و بس اللى هيصدرلك هيصدرلك من المخزون الاستراتيجى يعنى قمح متخزن بقاله 3 سنين و قبل اعدامه بيصدرهولك و بضعف التمن العالمى اصلها قضيه بسيطه قضيه عرض و طلب و انت اللى عايز و مزنوق لازم استغلك لصالح بلدى لا و مش كده و بس انت بالتالى ها تبقى اتسببت فى زياده اسعار حجات تنيا لان انت ها تخرج عمله صعبه فا بالتالى الاسهل و الاقل ضرر فى الوقت الحالى زى اى واحد بيبص تحت رجليه بس ها تسمع كلام ماما و هتبطل تلعب كوره فى البيت تانى علشان ما تيضربش بالمنفضه و ترجع زى الامور تصدر الغاز تانى و فى نفس الوقت على المدا البعيد انت بتخلص المخزون الاستراتيجى من الوقود و بالتالى هاتيجى بعد فتره كبيره او صغيره ها تحتاج تستورد وقود لما مخزونك يخلص فا سعتها ها تا تزنق تانى فى نفس الركن و بالمنفضه تانى !!!!!!

طيب ايه الحل فى الموضوع ؟؟؟؟؟؟

اكتفاء زاتى , صناعه وطنيه و بس

الحلم كبير بس كل الاحلام الكبيره بتبتدى صغيره.

هل تجوز امامه المراه ؟؟؟؟

لان الحياء شعبه من شعب الأيمان فقد امتنعت عن الكلام فتره حتى لا اخدش حياء المراه ولكن الوضع استفحل
أريد أن أكون واضح و صريح اذا تخيلنا ان هناك أنثى فى يوم من الأيام هى أمام المسجد فكيف يمكنى أن أكون خاشع في صلاتي و هناك نص يقول ان صوت المراه عوره و هى الأمام الذى يقراء القران و اذا فرضنا جدلا ان هذا حدث كيف سيكون خشوعى اذا كانت هذه الأنثى جميله و تقف فى أول صف هل يمكنى منع نفسى عن النظر الى مفاتنها و هى تركع و تسجد
الحبيب صلى الله عليه و سلم كان يصلى في يوم على برد ملون و هو المعصوم خرج من الصلاه ليطلب من المسلمين حوله أن يعيدوا له برده القديم لان الرسول الكريم قد سها في صلاته بسبب الألوان فى برد الصلاه الجديد و مطلوب منى انا ان اصلى وراء انثى تظهر مفاتنها فى الركوع و السجود و هيهات بينى و بين الحبيب انا مع الاجتهاد مع النص و لكن اين العقل الذى يجتهد وما نوع الاجتهاد
الاجتهاد يكون لفهم النص مع الظروف المحيطة و ليس فى تغير النص . فنص الكتاب هو معجزه الحبيب المصطفى ان الكتاب حتى الان يثبت معجزاته الى يومنا هذا و يمكن ان تسائلو فى هذا بنى صهيون الذى يسممون افكاركم الان بامامه المراه تاره و بالا حقيه في الحكم القضائي تاره أخرى اخى الكريم حكم عقلك الذى خلقه الله لك لكى تعلم لم انت تعبده و لم هو وحده لا شريك له يستحق العباده
لا اله الا الله وحده لا شريك له و حبيبه و مصتفاه لا ينطق عن الهوا

الاسلام فوبيا

- سمعت عن الاسلام فوبا




- ايه رز بالوبيا


- انت جعان ولا ايه يا عم انت


- ما انت اللى بتقول مكرونا بالوبيا


- باقول اسلام فوبيا


- استغفر الله العظيم حرام عليك اللى انت بتقوله ده


- يا ابنى دى حاجه المفروض كلنا نعرفها علشان نعالجها


- كمان بقى مرض حسبيا الله و نعم الوكيل


- يا ابنى افهم


- امشى يا عم.. انت من الكفار ولا ايه


- افهم يا بنى ادم


- افهم ايه بس خلاص علشان ما اخسركش


- طيب هو انت بتشتغل ايه


- انا خريج معهد دعاه


- ما علشان كده بفهمك


- اقفل الموضوع احسنلك


- يا ابنى طيب فهمنى انت


- افهمك ايه


- الاسلام فوبيا


-هو مين اللى بيقول الكلام ده


- اقلك ... الحكومات الغربيه عملت للناس خوف طبيعى من الاسلام اى واحد بدقن يبقى ارهابى و اى واحد مسلم يبقى خطر فا بقى عندهم حاجه اسمها اسلام فوبيا


- ااااااااااااااااااااااااااه


- اخيرا فهمت


- انت اللى ما قولتش من الاول


- ما المشكله ان احنا بنبقى عاملين زى القطط اللى بتاكل عيالها لما حد بيقول كلمه اسلام مش بنعرف نتحلى با اخلاق الرسول الكريم


- تفتكر الحل ايه ؟


- نبقى مسلمين بجد نحكم العقل الاول و نبقى فعلا امه وسطا


- انا بكره هاتكلم فى الدرس عن الاسلام فوبيا










و بعد يومين






- ايه يا ابنى اللى دغدغك كده ؟


- كنت بتكلم عن الاسلامفوبيا و الناس ما صبروش عليا و قاموا طحنونى


- ههههههههههههههههههههههههههههههههههههههههههههههههههههههههه

الوصايا العشر لكل زوج فى مصر

الوصيا العشر لكل زوج فى مصر




اخى العزيزاسئل مجرب ولا تسئل طبيب


اولا : اذا دخلت البيت و لقيت مراتك مثل بتعمل حله محشى و هى بترل المحشى سرحانه اعرف انها سرحانه فى امك لما تيجى تاكل المحشى ها تقول ايه لازم تنغزها تصحيها من احلام اليقظه اللى ها تتقلب با انتقام منك يا غلبان علشان انت ابن حماتها


ثانيا : قعدين مثلا تتفرجو على التلفزيون و خير اللهم اجعله خير لقيتها متبعه مسلسل تركى اعرف انها غالبا بتحاول تختبر حبك ليها و تشوف انت امتى ها تتخنق و تمد ايدك عليها و تقلها كفايه ملل نصيحه حب المسلسل و خصوصا البطله و هتلاقى الموضوع اتغير اوتوماتك و بقى مسلسل تافه و هى مش عرفه انت ازاى بتابعه و ان هى اللى مستحملاه علشان خطرك


ثالثا :داخل انت فى امان الله و تعبان و شامم ريحه توم قلبه البيت كله ده مش معناه انها عايزاك تروح تنام فى اوضه الاولاد ولا حاجه و برضه مش معناه انها عايزاك تبعد عنها لا ده برضو اختبار لحبك (اصل ربنا ما يوريك يا اخى عندهم كلهم وسواس قهرى اسمه مبقاش يحبنى بعد الجواز) نصحتى احلقلها و يا ريت لو شمت برفان حريمى على جاكيتتك ها تتعدل فى ثانيه الا تلت و الموضوع ها يبقى اخر جمال و هتدخل البيت هتلاقى افروديت ملكه جمال


رابعا :لو منفعش معها موضوع البرفان الحريمى و قلب بغم و ابتدت تراقبك وعملت فيها المفتش كرومبو ساعتها اعرف ان الاكياس البلاستيك اللى فى المطبخ ليها استخدام اخر وهات ورا يا صاحبى و سمعها كلمتين حلوين و تبقى اتلعبت فى الجون لو جبتلها ازازه برفان حلوه كده و معاها كلمتين حلوين تفهمها انك بقالك اسبوع بتلف على محلات البرفانات اللى فى البلد علشان تلاقى لمهجه فؤادك ازازه البرفان الحلوه دى و يا رب تاكلها و المراقبه تترفع


خامسا :لو فضلت مراقباك يا غلبان يبقى لازم تقلب الترابيزه بس تلعبها صح تقولى ازاى


اقلك يا غلبان تراقبها و هى مراقباك واكيد مش انت بس اللى اضبش و الستات كلها بتتعاكس – بالرغم من انك متأكد ان محدش هيفكر يعاكسها بس دى وجهه نظرك انت بس - تخليك مستنى لحد ما واحد اهبل زيك يغلط و يبص ناحيتها و تهجم عليه زى الغول و ساعتها هى هتروح لون و تيجى لون


و تبتدى الاستجواب فى ساعتها علشان متلحقش تفكر فى كدبه رغم انهم بيكدبوا زى ما بيتنفسوا و مين ده يا هانم و لما تروحوا البيت هى هتخاف تكمل مراقبه و هترضى بالامر الواقع و هتقنع نفسها بانك اكيد عملت كده علشان بتموت فيها لسه


سادسا: اذا لقيت واحده من صحباتها انت مبتحبهاش و هى ملهاش صاحبه غيرها و انت عارف ان سبب معظم المشاكل اللى بينكوا بسببها لازم تعمل اختراق للجبهه تقولى ازاى ؟ ... الكلمتين الحلوين اياهم ،و نصيحه لوجه الله علشان هى تبتدى ثقتها فيها تضعف لو صادف و رديت على التليفون و طلعت صاحبتها دى لازم ترغى معها لحد ما مراتك تيجى لوحدها و متقلقش هى مش هتطول لان حاسه السمع عند الانثى خصوصا بالنسبه للتليفون و انت بتتكلم فيه عاليه جداااااااااااااااااااااااااااااا هتبتدى تغير من صاحبتها و تقطع رجلها من البيت عندكو


سابعا : اكترحاجه بتجيب الضغط للراجل الزن كلمه من حرفين لكن عندهم ملهاش حدود مبيبطلوش زن و بيعرفوا يختاروا الوقت اللى يخرجك عن شعورك و انت راجع هلكان من الشغل مثلا و عايز تنام و تزعل لو قولتلها انك تعبان و عايز تنام و دى انا لحد دلوقتى مش عارف الاقى حل ليها لو حد عرفلها حل يقولى والنبى


ثامنا: انا فى بيت ابويا


لو سمعت الكلمه دى متفرحش قوى لان كل يوم هى فى بيت ابوها بتحوشلك و ربنا يستر عليك يا ابنى من اللى ممكن يحصلك و على السواد اللى هتشوفه فحاول تعملها اللى هى عايزاه او تستخدم طريقه الحيله


تاسعا:لو احتدم الامر بقى يا غلبان و لقيت نفسك مش عارف تروح ولا تيجى حط واطى بدل ما تخلعك و تديلك الربع جنيه اللى فى القسيمه و تاخد احلى شلوط


عاشرا: لا تتبع اى شئ من ما سبق و من الاخر كانت الهبله نفعت نفسها


ايوه يا حبيبتى ... بعد ازنكوا المدام بتنده

بابا فين ؟!!!

- هى رجعت



- والله يا بابا ما انا شايف


- قوم بص عليها


- مش شايف حاجه


- يا ابنى بص كويس


- بصيت مش شايف


- طيب روح طل عليها كده شوفها هنا ولا هنا


- طيب شكلها ايه


- بيقولو مكسيه بالاخضر و البنى على شكل سلسله فى اليمين و الشمال


- لا مرجعتش


- يا واد بص كويس متخنقنيش دول بيقولوا رجعت لينا من سنين


- والله ما فى حاجه خضره خالص


- هاتلى النضاره


- اهيه يا بابا


- ايه ده ؟!


- مالك يا بابا


- دى هى .. بس شكلها مصفر كده ليه


- هى فين


- اهيه بص


- يا بابا دى مش تبعنا


- مش تبعنا ازاى مش دى خريطه مصر


- اه بس سينا كلها مش تبعنا مفهاش مصرين كتير


- ازاى دى كلها ارض مصرية ... انتوا بيعتوها ؟


- مش عارف بس اللى اعرفه ان مالهاش علاقة بالزراعه


- ازاى يابنى دى كلها أراضى استصلاح و صالحه للزراعه


- يا بابا سينا كلها صحرا وجبال


- يبقا اكيد بيستخرجوا منها الاحجار الكريمه


- احجار كريمه ايه بس يا بابا .... انت مش عارف اننا بنبيع للسياح احجار مغشوشه معموله فى الصين


- ايييييييييييييييييييييييييييييييييييييييييييه


- اه والله


- الصين؟! ... متصنعه فى الصين؟! .... يعنى عندنا كميه المناجم دى و بنجيب من الصين مغشوش


- ما اصل المغشوش ارخص


- ايه


- ارخص يا بابا


- الله الله يعنى بقالكوا سنين مبتعملوش حاجه غير انكم تستوردوا بضاعه من بره ؟


- لأ من الصييييين


- هى الصين بقت تبعنا ولا ايه ؟


- لا تقريبا احنا اللى بقينا تبعها ... لأننا تقريبا اهم عميل عندهم


- الصين ؟


- اه لحد ما الجنيه عام و غطس و مش عايز يقب و الحكومه بتقول ان فى اصلاح اقتصادى


- هو مش عبدالناصر عمل مصانع و بنا السد


- ايوه ايوه و السادات عمل الانفتاح الاقتصادى و دلوقتى بنبيع كل الحجات دى


- بتبيعوا ؟؟؟؟؟؟؟؟!!!!!!!!!!!!!!!!!


- اه اصل عندنا خساير كتير


- هو انتوا تخسروا تبيعوا ؟ مفيش اداره تتغير مفيش حتى اشارك واحد بيفهم و هو اللى يشغلها؟


- احنا فاضين ؟...


- و وراكم ايه؟!


- هاه؟؟؟؟؟؟؟؟؟


- و كمان مفيش حاجه تعملوها


- لا فى طبعا


- طيب قول يا ابنى


- يا بابا انت كنت كويس و عندك زهيمر زى الفل و مش فاكر حاجه ايه اللى فوقك عليا


- عارف سينا دى اول حجر اتحط فيها فى السياحه واحد مصرى كان بيحلم يخليها جنه بس الراجل ده كان عايش فى اسرائل


- ايوه رافت الهجان


- ماعلينا من الاسم هو اللى بنا اول مبانى فى شرم الشيخ و نويبع و طابا و دهب من اكتر من 30 سنه ..... كان بيحلم يخليها جنه و انتم ضيعتوا حلمه


- انتم مين و انا مالى


- مالك ازاى هى مش بلدك


- لا دى بلدهم هما احنا عايشين هنا بس و ملناش دعوه بغير كده


- حق انتفاع يعنى


- مش بالظبط لأن الانتفاع ده آخر حاجة ممكن نطولها لكن تقدر تقول كده برضو


- لا اله الا الله ... لا اله الا الله


- مالك يا بابا


- عليه العوض و منه العوض


- بابا


- يعنى انتم محدش فيكوا فكر يزرع ارض سينا


- ارض ايه يا بابا اللى نزرعها دى صحرا


- و هى المفروض تخضر لوحدها ؟!


- يا بابا الحكومه ما ادتناش فرصه نعمل حاجه اساسا


- يعنى الاراضى دى ما اتوزعتش على ولاد شهداء حرب اكتوبر ولا المقاتلين اللى ضحوا بحياتهم فيها ؟


- يا بابا علشان تشتغل فى جنوب سيناء لازم يبقى معاك اقامه


- اقامه فى بلدى ؟؟؟؟؟؟؟؟


- اه


- ازاى يا ابنى دى بلدى اعيش فى الحته اللى تعجبنى


- لالالالالا ده انت متفائل جدا


- فعلا سينا رجعت كاملة ليهم و احنا شغالين عندهم


- شوفت؟ آدى انت قلت اهوه


- بعد اذنك


- رايح فين يا بابا


- رايح نوبه زهيمر مش عايز اصحى منها عايز اخر حاجه افتكرها دم الناس اللى راح فى سينا زمايلى و دفعتى فى الجيش اخواتى و ولاد بلدى الرجاله


- طيب عايز حاجه من شرم يا بابا انا طالع اهيس يومين مع اصحابى و فى حفله جامده اخر حاجه فى الجبل ووووو ملهاش حل لشتروز الزنجبيل يعنى رقص ومليطه مع الأجانب للصبح


- حسبى الله ونعم الوكيل


- ماتقلقش يابابا هجيبلك معايا تاتوه من اللى بيطبع على الدراع

مكنتش اعرف

فى واحد كل ما يتكلم عن مصر يقولوله انت بره فى الامان كأن اللى هنا على خط النار و اللى انا اعرفه ان امن الدوله جهاز قوى جدا و على راسى من فوق بعد اللى حصل دا انا اشهد انهم بصراحه جامدين



لما يدوا تعليمات للكويت ترحل 18 مصرى .. و يترحلوا .. يبقوا جامدين ، المفروض دلوقتى بعد التطور اللى احنا شايفينه ده كليه الشرطه المصريه تبقى الاكادميه الدوليه يعنى اى ضابط شرطه عايز يتعلم ازاى يخلى المظاهرة تتلاشى لازم ياخد درس خصوصى من الناس اللى كانت فى الشارع يوم 6 ابريل دول خلوا المظاهره فاضيه يا ناس .. ده اسمه احتراف دول دلوقتى ممكن نأجرهم لقمع المظاهرات بره علشان نزود مصادر الدخل القومى و الناس الحلوه بتوع امن الدوله ربنا يجعل كلامنا خفيف عليهم .. ولا مش خفييف يعنى هما بيسيبو حد فى حاله دا انا سمعت انهم عندهم صور لبعض الامراء الكويته اللى خايفين من الفضيحه و اى حاجه يطلبوها بتتعمل بسبب الصور دى بصراحه معلمين


دول فعلا اللى يعرفو عن الواحد اكتر من نفسه


ايه ده


انت مين يا عم


- قوم


- مين


- قوم


- انت دخلت بيتنا ازاى


- قوم


طيب ها استأذنكوا بقى اصلهم عايزنّى شويه .. مش قولتلكوا يعرفو عن الواحد اكتر من نفسه ....... بس ربنا يستر و ما اطلعش انا اللى قتلت جون كيندى اللى اتقتل قبل ما اتولد اصلا

و انا وزير

قاعد فى البلكونه ساعة العصارى  طقت فى دماغى ابقى وزير السياحه فى الحكومه اللى بعد اللى جايه علشان تبقى بعيد و محدش يخاف على منصبه منى

المهم  قلت فى بالى هبقى وزير السياحه و ها ابنى كزا و ها اعمل كزا و هسوّق للسياحه فى مصر علشان اساعد وزارة القوى العامشة فى توفير فرص العمل للشباب اللى قاعد على القهوه ، و فجأه نط فى دماغى حوار كنت سمعته فى التلفزيون عن معالى الوزير حامل مفاتيح خزائن مصر  لما  دخل اجتماع لرفع سعر القمح طلع بسعر للبنجر يعنى لو قلتله زى ما وزير السياحه الاسبانى قال ادونى فلوس و خمس سنين و اخلى البلد دخلها يتنمّى و قلتله هبنى فندق هترسى على عشه ده لو اتبنت اصلا

طيب و بعدين اعمل ايه  قررت الاتى

انى لازم ابقى رئيس الوزراء علشان

·     اول حاجه ما احطهوش فى التشكيل الوزارى اساسا

·     تانى حاجه ما اشفش موبيل فى ايد وزير لا جوه المجلس ولا فى اجتماع

·     تالت حاجه اى وزير هيشحت على الشعب و مش هيقسم معايا ها انفخه

انفخه ؟ ... مش الفاظ وزير برضك ، بس لسه شويه على الوزارة ، و الله اعلم بعد اللى انا كاتبه ده ممكن ابقى وزير ولا مش ها الحق حتى ابقى مواطن

ما علينا

غطينى و صوتى يا صفيه

كنت قاعد من كام يوم باتفرج على التلفزيون انا و الزعيم الراحل  سعد زغلول، و كان فيه شخصيه سياسيه مرموقه بتتكلم عن الرئيس مبارك و الراجل قال كلام زى الفل فى حق الريس و قال انه مش متقدم صح للشعب المصرى و ان الشعب مايعرفش هو بيخاف على مصلحته قد ايه و الوزراء اللى حوليه هما السبب لانهم بيبينوا له شغلهم عن طريق المنح اللى بيجبيوها من بره

لقيت سعد باشا بيقول غطينى و صوتى يا صفيه غطينى و صوتى يا صفيه 

قولتله تانى يا باشا ؟! ما احنا خلصنا من الاحتلال من زمان

قال غطينى و صوتى يا صفيه  بيشحتوا على شعب مصر

قولتله ما احنا دوله ناميه رد عليا و هو راسه فى السماء و بتاخدوا المنح دى من مين

قولتله هو الاساسى المعونه الامريكيه

لقيته بيلطم مابقيتش عارف اقوله ايه بس سألته مالك يا باشا

قالى امريكا ؟ ...  هى عمرها كام سنه امريكا دى

طيب قولى الدولار بكام  قلتله بخمسه .. قالى إيه ؟

قولتله  بخمسه جنيه و نص

الراجل الله يرحمو كان ها يموت تانى

و لقيت سعد باشا الارستوقراطى ابتدا يردح و يقولى هو ايه اللى بخمسه ونص يا عنيا

ده الخمسه منه  بجنيه

انا بقيت مزبهل يا عم ده وصل فى مره 7 جنيه و ربع

غطينى و صوتى يا صفيه الدولار بخمسه جنيه ونص

ايه يا باشا هو كل حاجه صفيه تغطيك و تصوت

انتم ضيعتوا البلد دى كانت محتله و الشيخ سيد بيقول ده خير بلدنا ماهوش فى ايدنا

انا فكرت قولت اقفل التلفيزون احسن ما يشوف خبر عن اللحمه او عن انابيب البوتاجاز يولع فى نفسه وهو قاعد ولا حاجه و هى مش ناقصه بلاوى تيتحدف على الواحد

- و الناس عاملة ايه

- بخير والله يا باشا

- يعنى عاجبهم الحال

- لا طبعا

- و مين الزعيم

- انا رديت بتلقائيه عادل امام

قالى مين؟ ..  قولتله زعيم السينما عادل امام احسن ممثل كوميدى فى مصر

انا لقيت وشه احمر و كان هيطبق فى زماره رقبتى

- فى ايه يا باشا

- اقلك مين زعيم الامه تقلى زعيم التمثيل ؟!!

- اعزر جهلى يا باشا احنا ماعندناش زعيم غيره

- طيب و المجلس الموقر مين اعضائه

- دول 400 يا باشا

- مين اللى ماسك دايرتك ؟

حسيت انه فهم جهلى بالنائب عن الدايره اللى انا منها لما سكت

- متعرفهوش برضو ؟

- اصلهم ما بنشفهمش غير ايام الانخابات يا باشا

- ايه ؟!

- اه والله ............. ايه مالك يا باشا

- غطينى و صوتى يا صفيه

و توجه الزعيم الى البلكونه قولتله رايح فين يا باشا ؟

فضل يقول : مافيش فايده .. مافيش فايدة

-         هتعمل ايه يا باشا

-         مافيش فايدة .. مافيش فايدة ... (وراح رامى نفسه وهو بيقول)

غطينى وصوتى يا صفياااااااااااااااااااااااااااااااه

اخد الشر و راح

سألنى واحد صاحبى هو انت ناصرى  ؟؟؟؟؟؟

بصراحه فكرت شويه يمكن تطلع تهمه ولا حاجه و صحبى ده يبقى من ضمن السته اللى بيراقبوا كل بنى آدم فى البلد دلوقتى و يسلمنى، 

قولتله لا مش ناصرى بس بحب جمال عبد الناصر

سألنى سؤال سخيف  طيب بتحب الريس حسنى  ؟؟؟؟؟؟؟؟؟؟؟؟؟؟

ابتديت فعلا اشك فيه و حسيت انه بيحاول يوقعنى فى الغلط

قولتله طبعا ده ابو الشعب هو احنا لينا غيره الريس اطال الله عمره 

بصراحه خوفت ادعى على اللى بيكرهوه  لان اى واحد فى الدنيا فى حد بيكرهه  اكيد فى كتير من اعداء النجاح بيدعوا عليه  و اكيد فى كتير برضو بيكرهونى  علشان كداب

قالى بتحب ايه فى الريس تأكدت انه عميل و عميل  رخم كمان

فكرت شويه كتير ايه اللى ممكن اقوله  لقيتنى بقول

اول طلعه جويه اه اول طلعه جويه  رفعت رايه الحريه

راح قايلى بس نصر اكتوبر ده اللى ليه الفضل فيه بعد ربنا هو السادات ،

و بعدييييييييين انا مش فهمك ياض انت معنا ولا مع الناس التانيين

قولتله السادات خطط و الريس ضرب

قالى ضرب ايه بس ماهو الجيش كله كان بيضرب هو ضرب لوحده ؟

،و بعدين فى ابن الهرمه ده انا ما اعرفهوش من كتير و احنا على القهوه يعنى لو مش عميل يبقى ها نتحبس انا و هو 

لقيتنى بقوله:

يا ابنى اللى مالوش خير فى الريس مالوش خير فى مصر  

حسيت انى لو سكت هيوقعنى فى الغلط روحت سائله انت عندك كام سنه؟ قالى 30 . قولتله يعنى وعيت على الدنيا لقيت الريس، قالى اه

قولتله يبقى اللى تعرفه احسن من اللى ما تعرفهوش

ثم انت ليه بتتكلم من غير نفس كده على الزعيم القائد اطال الله عمره؟

و ما اخدتش بالى و انا بتكلم ان فى واحد ورانا رامى ودنه

المرحوم رد عليا قالى انت مش شايف الغلا و الاسعار و الدنيا زحمه و الحاله كرب

قولتله يعنى عايز الريس ينزل يشتغل بدالك ولا ينظملك اشاره المرور هو هيعمل ايه ولا ايه مش كفايه المشكله الفلسطينيه اللى جابتله المراره

والله احنا شعب ما بيحمدش ربنا ابدا 

و المفاجأه الكبيره انو اتهمنى انى عميل للحكومه و انا والله  اساسا موظف فى القطاع الخاص

المهم زعل و قام و ماشوفتهوش تانى بعدها

 الله يرحمو و يحسن اليه مش لاقيينله اثر لحد دلوقتى ، مانعرفش راح فين

، اخد الشر و راح.

البردعى

صح كده نرشح البردعى زى ما معظم الناس كانت عايزة ترشح ايمن نور و ليلة الانتخابات تنتشر إشاعه تقول أن البردعى كان بيكلم البيت الأبيض امبارح و ليقسم يمين الولاء في التليفون كمان تثور عليه الناس و تقول اللى نعرفه أحسن من اللى ما نعرفهوش يقوم و نقع فى جمال تفضل ريما على عادتها القديمة و ما يحصلش اى تغير فى اى حاجه نصبر تانى على الجار السو لحد ما يرحل و لان زى المثل القديم ما بيقول مكروه الدار طويل العمر فهيفضل الجار السو على قلبنا لحد ما كلنا نموت من المر اللى بنشوفه و ياخدوا فرصتهم فى البيع بجد و حته للإيجار حته و  يبيعوا التانية .

اللعبه سهله التضليل و الناس من تعبها و قرفها بيتعلقوا بأى حاجه اى قشايه زى الغرقان بالضبط طيب تعالوا نحسبها ايه اللى ممكن يتقال على راجل محترم زى الدكتور البردعى اللى فى حملات شعبيه لانتخابه فى كل محافظات مصر

·                   عمل ايه لمصر

·                   ولاء الراجل ده مش لمصر

·                   الراجل ده جاى بتوصيه من امريكا

و حجات تانية كتير عيب شعبنا انه يتلهى فى اى حاجه جديدة بسرعة ، من سنتين تقريبا كان فيه حمله مشابهه لحمله البردعى لانتخاب عمرو موسى و ده برضه راجل لا غبار عليه بس لما يترشح عمرو موسى و البردعى و جمال ها يحصل تشتيت للأصوات الانتخابية و هيبقى سهل  الغش فى الانتخابات و الناس مش ها تبقى عارفه هى عايزة مين بس هتتشتت الأصوات بسهوله و يدخل الحزب الحاكم ينجح اللى هو عايزه و يبقوا برضو فى الأخر عملوا اللى هما عايزينه يعنى يبقى كأنك يا ابو زيد ما غزيت و نرجع نندب حظنا و نقول يا ريت اللى جرا ما كان طيب نعمل ايه نستسلم ولا نشتت أصوتنا ولا نرشح جمال و نخلص و يمكن يطلع ابن حلال و يصلح فى البلد لو حس أننا احنا اللى عايزينه و تبقى بجميله !!!!!!!!!

انا عن نفسي ورا عمرو موسى و أتمنى انه يكون بيحبها زى ما أهلها ما بيحبوه أتمنى انه يطلع زى جمال عبد الناصر اللى عمل كتير وكان شغله الشاغل رفعت مصر و الوحدة العربية أو يطلع زى السادات يحررنا من الاستعمار بس المره دى استعمار اقتصادي أصعب من الأول أتمنى انه يحب مصر بجد و ساعتها زى ايام عبد الناصر و السادات هيلاقى وراه الشعب كله جيش يسهر على رفع اسم مصر فى السماء أتمنى انه زى ما جاب حقوق مصرين فى بلاد حفاه الأقدام انه يجيب حقوق المصرين فى مصر يوصلهم الدعم ، يرجع للمواطن المصرى كرامته المهدورة ، يحسن دخل الناس و يحارب الفساد ، فى ناس كتير ممكن تقعد على كرسي الرياسة و تدى البلد و تحفظ  كرامة المواطن المصرى المهم يبقى بيحب مصر و يعمل اللى ربنا يقدره عليه عشانها .

من طُلِبَ إلى شئٍ أعين عليه و من طلب شيئاً وكّل اليه .

الله يرحمك يا شعراوى.  

قطعوا الكهربا

طيب أنا موافق أن المظاهرات ما تطلعش بره الجامعه ولا بره الجوامع لأن فيه ناس بتندس بين الناس و بتخرب في البلد اللي هي أساسا مش محتاجة  خراب .المظاهرات ما هى الا تنفيس عن الغضب و الثورة الداخليه احساس بنطلعه فى الهتاف مجرد تنفيس عن الغضب و فى نفس الوقت نوع من الاعتراض على الاوضاع اللى مش عاجبه الناس .

لكن لما كمان نحبس صوت الناس و نفرج الاجانب علينا و احنا بنحبس صوت الناس يبقى ليهم حق يقولوا ان احنا معندناش حريه ليه يتقطع الكهربه علشان الهتاف مايوصلش بره الجامع الازهر و الحجه السياحه .

فى كل دول العالم المظاهره بتتبلغ بيها الحكومه و بتطلع متأمنه من الحكومه و ممنوع لمس اى متظاهر الا فى حاله الشغب ازاى نبقى متحضرين و لينا رأى و احنا صوتنا محبوس رد فعل طبيعى لمعظم الناس انهم اساسا ماعندهمش بطاقه انتخابيه ولا بينتخبو اى حد فى اى حته و مقطعين السياسه بدل ما الواحد دمه يتحرق يقاطع السياسه باللى فيها لا انتخبات ولا مظاهرات ولا رأى اساسا ليه علشان صوته مابيوصلش و يتلهى فى الشغل و لقمه العيش و الجرى ورا القرش و يفضل يهرى و ينكت فى نفسه يلعن فى الحكومه و اللى جابوا الحكومه و البلد و يدور على اى حته يهج و يسيب البلد طيب و بعدين الناس اللى لسه فيها نفس نقطع نفسهم ولا نستغل حماسهم فى كشف الاخطاء اللى فى البلد ولا  نكتم صوتهم اساسا ولا نديهم فرصه حتى يخبطوا دماغهم فى الحيط لو اى سايح فى العالم شاف مظاهره متأمنه هيعرف اننا بلد متحضر لكن لما يشوف كميه التأمين اللى كانت موجوده بره باب المسجد الازهر مناره الاسلام فى العالم الاسلامى اكيد هيعرف ان احنا عايشين فى بلد دكتاتور بيكتم صوت الناس و بيرهبهم يا ناس لو قوات الامن اللى كانت عند مسجد الازهر و الحسين و جامعه القاهره و جامعه عين شمس علشان يكتموا صوت شوية طلبة راحوا فلسطين كان زمانهم ابادوا اليهود مش طلعوهم من المسجد الاقصى و عرفوا الاعلام ان فيه مسلمين غيورين على دينهم و على أولى القبلتين حسبى الله و نعم الوكيل حد يقولى ايه اللى ممكن يحصل لو الناس قالت رأيها اقول انا هنتنقل من تصنيف عالم تالت الى عالم اول حسبيى الله و نعم الوكيل فى اللى عايز بلدنا تفضل عالم تالت و فى اللى اعتقل الناس فى نفسها و كتم صوتهم حسبيى الله و نعم الوكيل .

مصر بنت التيييييييييييييييييييييييييييييييييييييييييييييييييييييت

سبحان الله يا اخى تشتمها ما تشتمها لو حد جاب سرتها بكلمه تهبش فيه زى القطه اللى بدافع عن عيلها طيب ليه هو انا علشان زعلان من امى اشتمها طيب فرضا امى بيعانى ها اتبرا منها هتفضل امى و هيفضل حبى ليها فطرى و هفضل عارف من جوه قلبى ان بعها ليه غصب عنها لحظه ضعف و مسيرها تصلح غلطها و تراضينى اصلها امى يا امى بقى تشوف لها عيال تنيا تتسند عليهم


وصلنا لمربط الفرس ولاد تتسند عليهم هو ليه انا و اللى حوليا كل واحد فينا بيرمى على غيره يعنى انا با اطلب من الحكومه و انت بتطلب من الحكومه و ده بيطلب و ده بيطلب و الكرثه اننا عرفين ان الحكومه حيطه ميله لا هتصد ولا ترد فين ولادها اللى ها تتسند عليهم كنا زمان نسمع عن واحد الله يرحمو و يبشبش الطوبه اللى تحت راسو مكنتش امو بس حبها اوى اسمه محمد على عمل من بتاع 120 سنه اختراع اسمه الثوره الصناعيه و كمل عليه ابنها اللى من صلبها جمال عبد الناصر و برضو كان فى ناس مسكه فى ديل الحكومه و الحكومه هى بابا ومصر هى ماما و ماما طلع عنيها من بابا كفر سيئتها يجو الولاد بدل ما يكبرو و يبقو رجاله و يعملو حاجه يشتمو ماما طيب ماما ملها و مال اللى بابا بيعملو بابا مش فارق معاه احدف ماما بالطوب هى الست هتعمل ايه ولا ايه ثم الشيخ سيد الله يرحمو لما قال (قوم يا مصرى مصر ديما بتنديك خد بنصرى نصرى دين واجب عليك)كان بيكلم ولادها ولا بيكلم حد من بره كل واحد يطلب من ماما و ماما عليها تحرك العصايه السحريه و تنفز ازاى يعنى قولو لبابا يرحمنا شويه و يرفع ايدو عن ماما و هى تنعنشنا والله ما فى احلا منها و مش بشهاده اهلها على فكره بشهاده كل شعوب العالم بشهاده الى هيموت و يشم ريحه تربها بحكم شغلى قبلت ناس من جميع الجنسيات اكتر حاجه سمعتها منهم بيلحظوها فينا الاحساس بالامان سبحان الله تخيل الامان يعنى مثلا لو انت على الطريق السريع القاهره اسكندريه مثلا و العربيه عطلت اكيد هتلاقى حد يقف يعرض مسعده من غير ما تشاور اصلا فى اوربا كلها استحاااااااااااااااااااااااااله حد يعبرك فى الشارع لو بتتسرق بالاكراه فى عز النهار. ماما يعنى الامان الباقى على ولادها ادتكم امان خليكو رجاله و اعملو حاجه قولو لبابا عيب .

كيف يسرقون الهويه من الشعوب العربيه ؟؟؟؟؟؟؟

من فتره قصيره كنت بتكلم مع حد عزيز على قلبى على النت وكان بيكتب فرانكو اراب (عربى بحروف انجليزى) و ده شائع دلوقتى بين الشباب الى بتعملو مع النت اللى لحظتو اننا نسينا العربى بيتكتب ازاى و لما فكرت شويه اكتشفت ان دى طريقه لسرقه الهويه من ضمن طرق كثيره لان انا لو مش بعرف اكتب عربى مش ها اعرف اقراه و لو مش ها اعرف اقراه يبقا ها ادور على اللغه الى انا بعرف اقرا بيها و سعتها ها تبقى الثقافه السائده هى الثقافه الانجليزيه او الامريكيه او اللى هما عيزنا نعرفو و سعتها ها ننسا التاريخ و الجغرفيا و هننسا احنا مين و لوقالو لينا اننا اسسا مش احفاد الفرعنه هنسدق لان الموجودهو اللى هما  عيزنا نعرفو ها ننسا احنا مين و اصلنا ايه مفيش كلامكتير ممكن اقوله لان اكتشفت حاجه انهم بلهم طويييييييل جدا لعبو نفس اللعبه فى الجزاير و لحد دلوقتى الشعب الجزائرى فرنسا هى بابا و ماما و انور وجدى  الانجليز لما حولو يعملو كده فى مصر علمناهم ينطقو عربى و احنا اللى نسناهم الانجليزى يبقى لازم طريقه تنيا علشان يلعبو معنا طريقه طول البال و لو نجحو ها تبقى امريكا بابا و ماما و انور وجدى هى لحد دلوقتى ماما بس لو ما اخدناش بلنا هنتبهدل اكتر و اكتر و سعتها هيبقى عليه العوض و منو العوض.