حبيبى يا رسول الله

ادعيتم الاسلام و ما انتم فى الاسلام من شئ , ادعيتم الغيره على الحبيب صلى الله عليه و سلم و ما انتم من حبه و سماحته من شئ

من انتم لتنصبوا انفسكم خصم و حكم على كل من هو مسيحى لمجرد خطا فرد واحد مسيحى  ؟؟؟

انتم ادعيتم العلم و الفقه و خرجتم لتسبوا الدين المسيحى و احد المشايخ المعروفين لدى امن الدوله هدد بالتبول على الانجيل و قام بتمزيقه

اهذا من الاسلام فى شئ  ؟ هل نسى هذا الشيخ المحترم ايه كتاب الله  ؟

آمَنَ الرَّسُولُ بِمَا أُنزِلَ إِلَيْهِ مِنْ رَبِّهِ وَالْمُؤْمِنُونَ كُلٌّ آمَنَ بِاللَّهِ وَمَلائِكَتِهِ وَكُتُبِهِ وَرُسُلِهِ لا نُفَرِّقُ بَيْنَ أَحَدٍ مِنْ رُسُلِهِ وَقَالُوا سَمِعْنَا وَأَطَعْنَا غُفْرَانَكَ رَبَّنَا وَإِلَيْكَ الْمَصِيرُ

نسيتم ان ادعوا الى سبيل ربك بالحكمه و الموعظه الحسنه  ؟؟؟

نسيتم ان الحبيب صلى الله عليه و سلم و هو قوى بعد الهجره كان يلقى يهودى كل يوم امام بابه بالمخلفات فحين لم يائت اليهودى فى يوم ذهب الحبيب صلى الله عليه و سلم الى بيته ليطمئن عليه  ؟

اهذا ما تسمونه الغيره على الدين  ؟

انتم المحامى الفاشل للاسلام انتم مجرد اداوات و اكاد اجزم انكم عملاء لمن يريد تخريب بلادنا

متى كان الاسلام هو سيدنا الحبيب صلى الله عليه و سلم  ؟؟؟

قالها ابو بكر رضى الله عنه و ارضاه

من كان يعبد محمد فان محمد قد مات و من كان يعبد الله فان الله حى لا يموت

من منكم يا شيوخ الشهره و المظاهر يتخيل ان الحبيب صلى الله عليه و سلم يرضى بتقطيع او تنجيس الانجيل  ؟

من منكم يتخيل ان الحبيب يرضى بظلم اى شخص على وجه الارض  ؟

ان العدل سبحانه و تعلى قال فى كتابه العزيز

مِنْ أَجْلِ ذٰلِكَ كَتَبْنَا عَلَىٰ بَنِى إِسْرٰءيلَ أَنَّهُ مَن قَتَلَ نَفْساً بِغَيْرِ نَفْسٍ أَوْ فَسَادٍ فِى ٱلأرْضِ فَكَأَنَّمَا قَتَلَ ٱلنَّاسَ جَمِيعاً وَمَنْ أَحْيَـٰهَا فَكَأَنَّمَا أَحْيَا النَّاسَ جَمِيعاً وَلَقَدْ جَاءتْهُمْ رُسُلُنَا بِٱلّبَيّنَـٰتِ ثُمَّ إِنَّ كَثِيراً مّنْهُمْ بَعْدَ ذٰلِكَ فِى ٱلأرْضِ لَمُسْرِفُونَ 

و لعن الله موقد الفتنه  امثال من عرض المقطع المسئ و امثال من قطع الانجيل و هدد باكثر من ذالك و امثال من قتل انسان لا علاقه له بالامر

اكاد اجزم ان من قتلوا السفير الامريكى فى ليبيا لا يعلموا اى شئ عن المقطع نهائى

سيدى الفاضل صاحب العقل المستنير الم يكن هناك من يهجوأ الرسول فى عصر بدايه الاسلام ؟

امنكم من هو اشد ايمانا من عمر رضى الله عنه و ارضاه  ؟

لم يصل الينا الهجاء لان المسلمون لم يتداولوه ولان الاسلام دين سماحه لم يكن من اى من المسلمين الاوائل ان يقتلوا احد من من هجوا الحبيب و لكنهم لم يسمعوه فقط لم يعيروه انتباههم و قد اصابوا بردء الفتنه

من قام بعمل و نشر المقطع المسئ ما هم الا 3 اشخاص اذا اردت ان تحاسب فحاسبهم و لكن لا تقتل نفس بغير نفس ولا تعتدى الا بسبب و الاهم من هذا كلها ان لا تحاسب كل العالم بخطأ هؤلاء 

60 عاما من حكم العسكر

60 عاما من الحكم العسكري مضت و لا تزال مصر فى حاله يرثى لها و من سيء الي اسواء و يصر الحاكم العسكري على الحكم اين مبدأ حب الوطن ؟ اين العطاء و الفداء ؟ هل هو مشروط ببقاء الحكم فى يد العسكريين على الرغم من فشلهم فى الادارة على اقل تقدير فى اخر 30 عاما ؟ هل هي الوطنية المزيفة ام انه الطمع الزائف فى شهوات الدنيا ؟ و اين هي تلك الوطنية فى تمسك العسكر بالحكم على الرغم الفشل هل تلك هي الوطنية ؟ من علمكم ان الوطنية هي التحكم فى مصير الناس بقوة السلاح ؟ ما الفرق بين الحاكم العسكري الانجليزي و الحاكم العسكري المصري اذا كانت موارد بلادي فى الحالتين تذهب دون ارادة الشعب الي العدو الفارق الوحيد الذي أراه ان الحاكم الانجليزي اكثر وطنية من الحاكم المصري على الأقل الحاكم المصري احتكر خير البلاد من اجل خير بلاده أما الحاكم المصري فا احتكر خير بلده من اجل خير العدو اذا كان الحاكم الأجنبي محتل فا له الف سبب فى ظلم المواطن المصري فما هي اسبابكم ؟ و اذا كان النضال ضد الاحتلال شرف فا اعظم الشرف هو النضال ضد الحاكم الظالم فما بالك بالحاكم الخائن اللهم انصرنا  

مجلس قياده الثوره ( الحل الاخير )

رساله الى مرشحين الرئاسه

بعد معرفه القوه الحقيقيه فى التصويت و بعد ما حدث لن اتعمد ان الومكم على قبول الانتخابات من البدايه على الرغم من عيوبها و لكن سانظر الى النصف المملوء من الكوب و هو 9 مليون صوت تقريبا الى مرشحين القوى الثوريه موزعه بين الاستاذ حمدين صباحى و يليه الدكتور ابو الفتوح و يليه الاستاذ خالد على و يليه الاستاذ ابو العز الحرير اقترح ما هو ات

اولا : اعلان تفكيك الحملات الانتخابيه و ده علشان لما ننزل الشارع ما يقولوش ولاد حمدين او ولاد ابو الفتوح او ولاد اى حد زى ما حصل فى العباسيه الثوار نزلوا العباسيه و اللى اتقال ولاد ابو اسماعيل هما اللى هناك

ثانيا : اعلان تشكيل قوى سياسيه على رئسها الاربعه الافاضل و لهم اختيار اى منهم رئيس تلك القوى او اضافه اى حد هما شايفينه يصلح ليكون رئيس و كلنا عارفين انتوا اشتغلتوا فى الجمعيه الوطنيه مع مين

ثالثا : اعلان الكيان ده كمجلس انتقالى مدنى يدير شئون البلاد

رابعا : اعلان وزاره او حكومه انتقاليه يترأسها احد الاربعه و تطهير القضاء بوضع نائب عام نزيه يقوم بالتحقيق فى القضايا المقدمه فى حق كل من اهدر الدم المصرى و استباح اموال الشعب

ملحوظه هامه لا يوجد وقت لمحاولات الحلول التفاوضيه ولا يوجد وقت الى النرجسيه اما ان تتنازلوا من اجل مصر و اما ان ترحلوا عنا ولا تدعوا انكم مرشحوا الثوره 

حيرة

 انا فى حيره من امرى

انا فعلا حيران جدا و محتاج حد يساعدنى فى التفكير الفكره المسيطره عليا دلوقتى ان العسكر لن يتنازلوا عن الحكم باى حال من الاحوال و الاهم من كده ان فى سيناريوهات كتير مش هى الاصل فى الموضوع لانها كلها توصل لنفس النتيجه الى هى عدم تنازل العسكر عن الحكم باى طريقه بس فى حاجه مهمة عشان يوصلوا للموضوع ده لازم تصفيات جسديه و اعتقالات عشان يضمنوا ان على الاقل فى من 20 الى 30 سنه فى حاله ركود فى البلد و الاضرابات و الاعتصامات  ترجع تانى 30 او على اقصى تقدير 50 واحد مش فكرتى اناقش ازاى الاهم عندى

هل ها نقدر نكمل ؟

طيب لو كملنا ها نكمل ازاى ؟ فى طرق جديدة ؟

هل السلمية مازالت مؤثره  ؟

السؤال الاخير الوحيد تقريبا اللى فى رد عليه عندى و الاجابة ان ايوة السلمية مؤثره بس احنا مش حسين بالتأثير لسبب مهم جدا اللى هو ان الاضراب او الاعتصام قدر يطيح بحسنى مبارك و السبب مش ان العسكر كان عايز كده السبب الحقيقى ان البلد كانت فى حاله شلل و ده اللى  يهدد بثوره جياع فكان لازم حسنى دوره يخلص فى اللعبه عشان ما يتعلقوش كلهم على المشانق فا كان لازم التضحية بمنصب مبارك فقط لا غير التضحية كانت بالمنصب مش اكتر لكن مبارك معزز مكرم اخدوا منه اللقب بس مش اكتر و الميدان رغم عوده العمل و الاشغال غير حكومتين و لو اصر شويه الجنزورى ها يتشال بس فى كزا مشكله يتواجه الثوار

اولا قصر النفس و ده ليه اسباب و اسبابه منطقيه جدا يعنى لما واحد يدخل معركه و يشيل واحد صحبه ميت على ايده اكيد نفسيا مش ها يبقى مبسوط و حالته ها تبقى زفت الاهم من كده المصابين اللى فى وسطنا اللى لسه بيتعالجوا انا اعرف ناس شخصيا بقت بتترعب مش من الموت لكن ان يبقى فى مصابين و شهداء تانى

ثانيا الحرب النفسيه اللى بيقوم بها الاعلام المنيل اللى فى ناس با تتفرج عليه من باب العلم بالشئ لكن هو فى الاصل با يعمل تشوه لفكرهم و ضغط نفسى با يمنعهم من التفكير او با يخلى التفكير بطيء جدا جدا

ثالثا تخص الاعلام  احنا متفقين على 4 نقط على الاقل مطلوب تنفذها

1 – اسقاط حكم العسكر

2 – اقاله حكومة الجنزورى

3 – لجنه دستور توافقيه

4 – حساب المسؤلين  عن القتل و الاصابات

اظن ان ما فيش حد با يبقى نازل الميدان او اى مسيره مش فى اساس فكره الاربع نقط دول من اى فصيل سياسى الاعلام الموجه دوره هنا انه يبتدى يعمل تشتيت و يزود نقط كتير و النقط الكتير تخليك تركز فى وحده كنت نسيها من بره الاربعه دول يبقى ما فيش حد متفق على حاجه و نبقى فرق كتير ضعيفة مش حزمه وحده قويه

رابعا ان فى كتير من الثوار با يكحوا تراب و اقسم بالله ان ده حصل فى نقاش دار بينى و بين صديق ان القهوة بالنسبة له اصبحت رفاهية و ده من الاسباب اللى تخلى النفس قصير

لكن السؤال الجوهرى :

ننزل تانى نلبد فى الميدان شهر على الاربع مطالب دول و انا متأكد انهم مش ها يستحملوا اسبوعين فى عصيان و اعتصام ولا نستنى الخطه الجهنميه اللى معمولة لتصفيه الثوره و الثوار ؟؟؟؟

اريد حلا !!!!

الدم اللى ها يكون دمنا ولا نكون اسرع من الاحداث و نبتدى نبقى فعل و ننزل تانى  ؟؟؟

برلمان الثورة

عزيزى القارئ احب اقولك كلامى ممكن  مايعجبكش و ساعتها هتقولى انت ضد اراده الشعب عادى جدا احب انا اقولك هع لما نزلنا 25 يناير كنا ضد اراده الشعب من الاخر هذا البرلمان لا يمثلنى ولا يلزمنى ببصله ولا حتى قشره البصله البرلمان اللى جاى بدل ما يجيب حق الشهداء عايز يعلمنا الادب و يقفل المواقع الاباحيه طيب والنبى اتلهى .. ايه ؟ قفشت ابنك بيتفرج على شكس و مش عارف تسيطر عليه .. فبتربى الشعب كله ؟ قبل ما تركز فى المواقع الاباحيه اتكلم فى حق اللى ماتوا علشان انت تترزى على كرسى برلمان و تبقى نايب او نايبه بس واضح ان النايبه تقيله .. البرلمان اللى اتهمنا و احنا بندافع عن نفسنا فى تظاهر سلمى اننا بناخد فلوس و بنضرب ترامادول لا يمثلنى انا ماحاربتش امثال عكاشه علشان يبقى فى 400 عكاشه فى البرلمان .. البرلمان اللى بيعمل لجنه تنبثق عنها لجنه علشان تكون لجنه تكون مهمتها عمل لجنه انا نسيت اصلا الموضوع اللى هما هيحققوا فيه ؟ اه حادث بورسعيد اللى كلنا عارفين انه حادث تصفيه بحت ده برلمان فشنك

البرلمان اللى سايب الحمار و بيتشطر على البردعه لا يمثلنى برلمان خيش و قش البرلمان اللى بيعمل استجواب لوزير الداخليه علشان وقف ضابط ربى دقنه ( تربيه الذقن فى العسكريه ضد العقيده القتاليه لانها نقطه ضعف لأنه ممكن يتملك منها أثناء القتال) و ماعملش للوزير استجواب بسبب الانفلات الامنى المتعمد لا يمثلنى

البرلمان اللى لما واحد فيه اتهم البردعى بالعماله رفض يجيب حق مواطن مصرى تم اتهامه بالعماله بدون بينه و فى نفس الوقت بيحاسب عضو من اعضائه دخل وسطيهم غلط لانه قال اللى مش قادر على الحمار اتشطر على البردعه لا يمثلنى

البرلمان اللى بيتكلم عن عمل لجنه هاكرز علشان تقفل المواقع الاباحيه و على الصبح الفيس بوك اهه و سايب الحد الاقصى و الادنى و الصناديق الخاصه و المزانيه لا يمثلنى  

و اخيرا و ليس اخرا البرلمان اللى لا يمثل اطياف الشعب كله و بيتخانقوا مع بعض فى الجلسات زى العيال الصغيره فى الحضانه لا يمثلنى و حضرتك سميها زى ما تسميها ضد اراده الشعب ضد التيار ضد اى حاجه بس مش ضد الدين علشان ده اللى بيتقال عادةً انا ضد التغيب و ضد الهبل انا ضد ان واحد يطلع يقولى انا هحترم اتفاقيه السلام و يتكلم فى المواقع السكس و سايب الناس بتعيط بسبب انبوبه البتجاز ضد اللى سايب منجم السكرى و جبل الدهب يتنهبوا ضد اللى بيستهبلنى و فكرنى مش شايفه

لأ شايفك و ضد هذا البرلمان ... لا يمثلنى باى شكل من الاشكال 

رومانيا على الطريقه الطنطاويه

من شهر تقريبا كنت بتكلم مع صديق و بيقولى انا خايف من سيناريو رومانيا و دار الحديث كده بالظبط

-          انا خايف من سينريو رومانيا يحصل معنا 25 يناير

-          هو صعب بس ممكن

-          ممكن ازاى تفتكر الاخوان و السلفين

-          لا , اللى خلانا كل ما نمسك حد من المواطنين الشرفاء من اول يوم نزلنا فيه الشارع لازم نلاقى فيهم عساكر دخليه او امناء او غيره ( 18 يوم و العبسيه و كل الاعتصامات ) يخلينا نحط فرض انهم ممكن يستخدموا الجيش كا مليشيه مسلحه لانهم لو حطو سلاح فى ايد اى حد ميضمنوش السلاح يلف و يضرب فيهم

-          يعنى ؟

-          يعنى هنستنا اى اخبار تيجى من الجيش ان بعض الوحدات المتطرفه مش بتنزل اجازات من يناير و ده علشان يشحنوهم نفسيا ضد الثوار و يبقو هما دول عمال المناجم

الاهم من الحديث اللى دار الكلام اللى وصل الى الاستاذ كمال خليل اللى فى ناس شككت فيه

الاول ها ارد على التشكيك , العسكرى اللى اتكلم معاه يعرفه معرفه شخصيه و نفسه ينبهه بس خايف و ده واضح من سياق الحوار اللى دار بينهم هو يعرفه مسبقا و لما اتقابلوا استاذ كمال هو اللى سأله يعنى العسكرى ما راحش اتكفى على وشه قصاده و قاله انا ها اعترفلك الفكره كلها ان حتى العساكر اللى حجزوهم الفتره دى كلها علشان ينعزلوا و يعملوا  ليهم غسيل مخ فى ناس هما يعرفوهم بالفعل و يعرفوا هما قد ايه ناس محترمه ( الجندى سبع الليل كان عارف مين اللى علمه حب مصر )

ازاى ها تتلعب ؟؟؟

اولا : الامان  

ثانيا : البنزين و الغاز و فى اخبار عن ان نص القاهره هيتقطع عنها المياه

ثالثا : فرقه وحده من الجيش تربى دقنها و تنزل مسلحه اى كان شكل التسليح تهاجم الاحتفاليه (عصفورين بحجر)

اول حاجه هتحصل وقيعه بين اللى فى الميدان اللى مش مربى دقنه و اى دقن معديه فى الشارع يعنى بوادر حرب اهليه بتدخل فيها الجيش بالصوره اللى تعجبه يموت يحرق يولع عاطف هيبقى مبصوت جدا و هيتكيف على الاخر لانه شايف حرب بين مصرين و مصرين و نرجع تانى للفزاعه (اى حد بدقن ) بعد ما يسيبو فرقه الجيش تصفى اللى تصفيه و تقوم حاله من الزعر و الفزع بين المصرين و يبقى قسمهم فرقتين فرقه بدقن و فرقه من غير دقن هيقدر يلم اللى هو عيزه فى السجون و يصفى اللى هو عايز يصفيه و المواطن الكنباوى (عاطف ) هيبقى مبسوط و يصقفلهم كمان لانه خايف على نفسه من الدقون و لان فى الفتره دى هيبقى فى اشاعات ان اسرائيل على الحدود ده ف حرب اهليه يا اخونا فى البلد فا اللى هيطالب بقتل ميدان التحرير هيكون كل واحد فى بيته و لان الظاهر قصاد الناس اللى فى البيوت الدوقن و الثوار اللى بتنزلوا تموتوا الناس فى الشارع و بنظريه امانك ولا حياه اللى فى الشارع المواطن الكنباوى هيغمض عينه براحته عن تصفى الثوارو المجلس براحته من غير اى اعتراض و هيرجع الاسلاميين السجون تانى  لا مش كده و بس

لان الجيش بقياده طنطاوى هو اللى هيقدر يسيطر على الحرب الاهليه اللى البلد هتبقى دخله عليها هتطلع اصوات تطلب من طنطاوى انه يبقى رئيس انتقالى و هياخد اول دورتين و يبقى طبق سيناريو رومنيا من غير استخدام مدنيين اصلا و بيقو ضامنين على الاقل نسبه 80% ولاء اللى نازل يضرب فى المتظاهرين

 هو ليه وقف البنزين و المياه و الغاز ؟

علشان يثير غضب العامه و فى نفس الوقت البلد هتقف بجد شلل تام من اول يوم 25

لو اقتنعت بالكلام الفارغ اللى انا بقوله او حتى خلاك تشك يبقى دى وجهه نظر سليمه بنسبه 70% و دى نسبه كبيره و لازم نكون حذرين جدا جدا جدا

يسقط يسقط حكم العسكر